Фиқһ дегеніміз не?

Posted by
68 рет оқылды

10599

Аллаһ Тағаланың барлығын мойындап, Оның жалғыздығына иман келтіргеннен кейін, әрбір есі саналы, ер жеткен мұсылман фиқһ ғылымын үйренуге тиіс.

اَلْفِقْهُ  (фиқһ) сөзінің:

  1. 1.      Тілдік мағынасы: дәл, дұрыс білу;
  2. Шарғи мағынасы: нақты дәлелдерге сүйене отырып, амалдарға қатысты шариғат үкімдерін айқындау - деген ұғымын білдіреді.

Адам баласы Жаратушысы бар екенін білгенмен, Оның бұйырған және тыйым салған нәрселерін өзінше біле алмайды. Осы жағдайда фиқһ ғұламалары фиқһ ғылымына сүйене отырып дұрысты бұрыстан, халалды харамнан айырып береді. Білімсіздіктің тұнғиық түнегінен парасаттылық пен даналықтың шыңына көтеріледі. Демек, фиқһ ғылымы бұл дүние мен Ақыретте Аллаһ Тағаланың разылығын алып, мәңгілік бақыт құшудың жолдарын үйрететін ғылымның асқары десе болады.

Leave a Reply

Ваш e-mail не будет опубликован. Обязательные поля помечены *

*

Можно использовать следующие HTML-теги и атрибуты: <a href="" title=""> <abbr title=""> <acronym title=""> <b> <blockquote cite=""> <cite> <code> <del datetime=""> <em> <i> <q cite=""> <strike> <strong>

Барлығымыз бұл жалған дүниеге шыр етіп жалаңаш күйімізде келіп, перзент ханада ақ жаялыққа оранғанымыз рас. Сөйтіп біріміздің әкелеріміз, біріміздің туыстарымыз, енді біріміздің бауырларымыз қолдарына гүл ұстап, қуанышты күйде анамызға гүл силап, бізді үйлеріне алып кеткені де рас. Сол уақыттан бері қаншама жақсы да, жаман да күндерді өткіздік. Біз секілді дүниеге келген елмен бірге өмір сүріп келеміз. Олардың ішінде бұл жалғаннан бақилық болып кеткендері де бар. Бір қызығы олардың жастарында сәйкестік жоқ. Бірі шал-кемпір күйінде бұл дүниеден өтіп жатса, тағы бірі жас күйінде жан тапсырып жатқандары да бар. Құрметті достарым! Абай атамыз «Өлмек үшін келгенсің ойлан шырақ» – дегеніндей барлығымызда бұл жалғаннан күні келсе ғайып боларымыз сөзсіз. Жан тәслім еткеннен кейін, намаз оқылады, ол күнделікті 5 уақыт оқитын намаздан өте ерекше, жаназа намазы деп аталады. Сонда сәби кезіміздегідей ақ матаға оранып, қабір атты барзах әлеміне барамыз. Жерленіп болғансоң сауал-жауап алуға Мункар және Накир атты екі періште намаз оқыған салихалылар үшін жүздері күлімдеп, Аллаһтың керемет сыйлығын сүйіншілеп жан досы ретінде келіп, сауалдар қояды… Бұл өмірдің заңдылығы, Аллаһтың әмірі болғандықтан дүниеге келіп және қайтып кетеміз. Аллаһ біздерді ешкімнен сұрамай бұл дүниеге жіберді және ешкімнен сұрамай бұл дүниеден бақилыққа аттандырары да рас. Қасиетті Құран Кәрімде: كُلُّ نَفْسٍ ذَائِقَةُ الْمَوْتِ وَإِنَّمَا تُوَفَّوْنَ أُجُورَكُمْ يَوْمَ الْقِيَامَةِ فَمَنْ زُحْزِحَ عَنِ النَّارِ وَأُدْخِلَ الْجَنَّةَ فَقَدْ فَازَ وَمَا الْحَيَاةُ الدُّنْيَا إِلَّا مَتَاعُ الْغُرُورِ «Әркім өлімді татады, Расында қиямет күні ақыларың толық төленеді. Сонда кім оттан құтылып Жұмаққа кіргізілсе, рас құтылады. Негізінде дүние тіршілігі алданыштың ғана нәрсесі» – делінген. Демек барлығымыз уақыты белгісіз өлімнің дәмін татады екенбіз, өзімізге намаз оқылмастан бұрын, Аллаһқа құлшылығымызды жасап, намазымызды оқып үлгерсек екен. Жеңіс Әбибуллаұлы